O DIA QUE URSULA MON SE CONVERTEU EN OSO

Unha novela emocionante sobre a procura da identidade, a superación e o vínculo coa natureza.

Úrsula Mon vive nunha aldea das montañas coa súa avoa e séntese distinta aos demais. Na escola é obxecto de burlas pola súa tartamudez e só encontra
acubillo no bosque. Alí sucede algo extraordinario: o día en que se cruza cun oso, a ollada do animal atravésaa para sempre e esperta nela unha conexión emocional e unha forza interior ata entón descoñecida. Guiada polas historias dun vello gardamontes e co apoio inesperado da súa nova mestra, a nena iniciará dende ese momento unha viaxe persoal impulsada pola súa fascinación polos osos, na cal será capaz de transformar a súa vulnerabilidade nun valor salvaxe.

Unha historia conmovedora de Mónica Rodríguez, acompañada polas suxestivas ilustracións de Ester García, que explora a busca da voz propia e o vínculo profundo entre o ser humano e a natureza, sen deixar de lado outros temas como a crueza do acoso escolar ou o peso da soidade e das ausencias familiares.

Nada en Oviedo, licenciouse en Ciencias Físicas e traballou durante quince anos no CIEMAT antes de dedicarse plenamente á literatura en 2009. Dende a publicación do seu primeiro libro en 2003, escribiu máis de setenta títulos. A súa traxectoria foi distinguida con galardóns como o Ala Delta, Anaya, Alandar, Gran Angular, Edebé, Barco de Vapor e varios premios da Fundación
Cuatrogatos, ademais de aparecer en listaxes de honra internacionais. En 2018 foi distinguida co Premio Cervantes Chico e en 2024 co Premio Nacional de Literatura Infantil e Xuvenil.

Licenciada en Belas Artes pola Universidade de Salamanca, dedícase á ilustración de libros infantís e xuvenís, nos cales a natureza ten un gran protagonismo. A súa obra foi distinguida co Premio Junceda Internacional e co Premio Nacional ao Libro Mellor Editado, e figura ademais na selección The White Ravens.