Eroj el La Kanterberiaj Rakontoj (Paperback or Softback)

En aprila mateno grupo da pilgrimantoj ekrajdas laŭ la vojo de Londono al la urbo Kanterberio, je distanco iom malpli ol 100 kilometroj. La pilgrimantoj kovras preskaŭ la tutan gamon de la mezepoka angla socio, de la Kavaliro kaj Priorino ĝis la Muelisto, Plugisto kaj Kuiristo. Por pasigi la tempon ili interkonsentas, ke ĉiu el ili regalos la aliajn per iu rakonto.

La Kanterberiaj Rakontoj estas kolekto same varia kiel la rakontantoj, kaj unu el la plej gravaj verkoj de la angla literaturo. La rezulto estas eksterordinara portreto de la angla socio de tiu epoko.

En ĉi tiu verko ni prezentas kvar erojn el tiu mirinda kolekto, tradukitajn de W. B. Johnson, John Wells, William Auld kaj Tom Fraser. La tradukoj aperas paralele kun la originala teksto, tiel ke legantoj povu kapti impreson pri la angla lingvo de la 14-a jarcento, kaj mem deĉifri ĝin per la helpo de la Esperantaj tradukoj.

Geoffrey Chaucer (ĉ. 1343-1400) estis angla poeto kaj verkisto, ofte nomata "la patro de la angla literaturo. Li naskiĝis en Londono, en burĝa familio de vinkomercistoj. Dum sia vivo li deĵoris kiel kortegano, diplomato kaj ŝtatoficisto sub pluraj reĝoj, inkluzive de Eduardo la tria kaj Rikardo la dua. Tiuj oficoj kondukis lin al multaj vojaĝoj tra Francio kaj Italio, kie li konatiĝis kun la verkoj de Bokaĉo kaj Petrarko, kies influon oni konstata en lia posta verkaro.Lia plej fama verko estas La Kanterburiaj Rakontoj (angle: The Canterbury Tales), kolekto da rakontoj de diversaj pilgrimantoj vojaĝantaj al la tombejo de Sankta Thomas Becket en Canterbury. La verko estas aparte grava ĉar ĝi estas skribita ne en latino aŭ la franca (la tiamaj lingvoj de la klerikaro kaj nobelaro), sed en la meza angla, la parolata lingvo de la ordinaraj homoj. Tio helpis establi la anglan kiel legitiman literaturan lingvon.

Anna Löwenstein (1951-) estas konata verkisto en Esperanto, kiu gajnis la Laŭron de la Akademio de Esperanto pro sia romano La memoraĵoj de Julia Agripina. Ŝi estas la redaktoro de uea.facila, membro de la Akademio de Esperanto, kaj ricevis la honoran titolon Esperantisto de la Jaro en 2019.

Edmund Grimley Evans (1966-) multe tradukis el la angla, inkluzive de La domo ĉe Pu-Angulo, gajninto de la titolo infanlibro de la jaro. Li redaktis la duvoluman plenan poezian verkaron de Marjorie Boulton, Unu animo homa, pro kio oni elektis lin Esperantisto de la Jaro en 2022.