SOMN?MBULOS

Un neno desaparecido nas montañas que atravesa o río Miño. Unha aldea peculiar construída aos pés dun enorme encoro. A peor tormenta en máis dun século. E un neno somnámbulo que sospeita que a clave para atopar o cativo está nos seus soños. Mentres o río ameaza con rebordar, o tempo para salvarlle a vida a Marcos Portela estase a esgotar. Cres no imposible?

Carlos Vila Sexto naceu na Coruña en 1977. É escritor e guionista. Con catorce anos gañou o V Premio Rúa Nova de Narración Infantil coa novela de aventuras Alén da aventura, publicada pola Editorial Galaxia. Carlos tamén foi creador e guionista das series de televisión Los Misterios de Laura (TVE), Motivos Personales (Telecinco) e Un lugar en el mundo (Antena 3). A súa serie Los Misterios de Laura foi a primeira na historia da televisión en España en ser adaptada en Estados Unidos (The Mysteries of Laura). En Edebé ten publicada a novela infantil Hugo e o ladrón pantasma, a triloxía As crónicas do viaxante e a novela xuvenil Morir no es nada del otro mundo.